ఉభయ గోదావరి జిల్లాల ఎమ్మెల్సీ కౌంటర్ పలితాలు పై ఉత్కంఠ

V9 ప్రజా ఆయుధం దినపత్రిక ఆన్ లైన్ వార్తలు- ఏలూరు మార్చి 03: ఉభయ గోదావరి జిల్లాల ఎమ్మెల్సీ కౌంటర్ పలితాలు పై ఉత్కంఠ నెలకొంది.ఏలూరు సి ఆర్ రెడ్డి ఇంజనీరింగ్ కళాశాలలో ఉభయ గోదావరి జిల్లాల ఎమ్మెల్సీ కౌంటర్ ప్రక్రియ సోమవారం 8 గంటలకు ప్రారంభమైంది. దాదాపు 700 మంది సిబ్బంది కౌంటింగ్ ప్రక్రియలో పాల్గొన్నారు. ఫిబ్రవరి 27న జరిగిన ఉభయ గోదావరి జిల్లాల ఎమ్మెల్సీ ఎన్నికలలో రెండు లక్షల 18 వేల మంది పైగా పట్టభద్రులు ఓటు హక్కును వినియోగించుకున్నారు. ఈ నేపథ్యంలో భారీ పోలీసు బందోబస్తు నడుమ ఎన్నికల కౌంటింగ్ ప్రక్రియ కొనసాగుతుంది. దాదాపు 28 టేబుల్స్ 17 రౌండ్స్ తో ఈ కౌంటింగ్ జరుగుతుంది. ముందుగా బ్యాలెట్ బాక్స్ లో ఉన్న ఓటు పేపర్లను 20 నుంచి 50 వరకు కట్టల కట్టలుగా కడుతున్నారు. అదనపు ఎస్పి సూర్యచంద్ర ఆధ్వర్యంలో పోలీసులు భారీ గా మోహరించారు. మూడు అంచులు పద్ధతి తో రెండు షిఫ్టులు మీద 450 మంది పోలీసులు అక్కడ పనిచేస్తున్నారు. ఇతరులు ఎవ్వరికి లోపలకు అనుమతి లేదని కేవలం ఏజెంట్లు కు మాత్రమే అనుమతు ఉందని పోలీసులు చెబుతున్నారు. ఉభయగోదావరి ఎమ్మెల్సీ ఎన్నికల్లో 35 మంది అభ్యర్థులు పోటీలో ఉన్నారు. ప్రధానంగా కూటమి అభ్యర్థి పేరబత్తుల రాజశేఖరం, పిడిఎఫ్ అభ్యర్థి దిడ్ల వీర రాఘవులు మధ్య గట్టి పోటీ ఉంది. అదేవిధంగా అమలాపురం మాజీ ఎంపీ హర్ష కుమార్ తనయుడు జీవి సుందరం పోటీలో ఉన్నారు. అయితే వారా హోరీగా పిడిఎఫ్ అభ్యర్థి మరియు కుటమి అభ్యర్థి మధ్య పోటీ కొనసాగుతుంది. మంగళవారం మధ్యాహ్నానికి ఫలితాలు వెలువడే అవకాశం ఉంది.