ఇసుక మాఫియా పై గ్రీవెన్స్ లో ఫిర్యాదు చేసాం!అయినా మామూలే బరితెగింపు: ఎంపీటీసీ యర్రంశెట్టి.

V9 ప్రజా ఆయుధం దినపత్రిక ఆన్ లైన్ వార్తలు -కపిలేశ్వరపురం జనవరి 29:డాక్టర్ బి ఆర్ అంబేద్కర్ కోనసీమ జిల్లా కలెక్టర్ మండపేట నియోజకవర్గం కపిలేశ్వరపురం మండలం కేదార్లంక గ్రామంలో ప్రభుత్వం నుండి ఏ రకమైన అనుమతులు లేకుండా గోదావరి నది గర్భంలోకి వెళ్లి రాత్రి పగలు అనకుండా యదేచ్ఛగా ఇసుక దోపిడీ చేస్తున్నారు. ట్రాక్టర్ కు 1200, లారీలకు 7000 రూపాయలు చొప్పున ఇష్టానుసారంగా స్థానిక కూటమి నాయకుల ఆధ్వర్యంలో అక్రమాలకు పాల్పడుతున్నారు స్థానిక తహసిల్దార్, పోలీస్ ఉన్నత అధికారులకు ఎన్నిసార్లు ఫిర్యాదు చేసిన స్పందించిన పాపానపోలేదని ఎంపీటీసీ యర్రంశెటి నాగేశ్వరరావు ఆరోపించారు. సోమవారం అమలాపురంలో జరిగిన గ్రీవెన్స్ లో ఫిర్యాదు చేసిన గాని మంగళవారం యదేచిగా ఇసుకను దోచేస్తున్నారు.
విచిత్రం ఏమిటంటే ప్రతి చిన్న విషయాన్ని భూతద్దంలో చూపించే స్థానిక పత్రిక విలేకరులు గాని, మీడియా ప్రతినిధులు గాని ఈ వ్యవహారంలో కళ్ళకు గంతలు కట్టుకుని తిరుగుతున్నారని ఆరోపించారు.