వీఆర్ఏ శ్రీనివాస్ కు ఉత్తమ పురస్కార అవార్డు

V9 ప్రజా ఆయుధం దినపత్రిక ఆన్ లైన్ వార్తలు -అయినవిల్లి జనవరి 26; వీఆర్ఏ శ్రీనివాస్ కు ఉత్తమ పురస్కార అవార్డు లభించింది. అయినవిల్లి మండలం శానపల్లిలంక గ్రామంలో వీఆర్ఏ విధులు నిర్వహిస్తున్న రాయి శ్రీనివాసరావు ఉత్తమ అవార్డు అందుకున్నారు. 76వ గణతంత్ర దినోత్సవ వేడుకలు సందర్భంగా డాక్టర్ బి ఆర్ అంబేద్కర్ కోనసీమ జిల్లా కలెక్టర్ మహేష్ కుమార్ సమక్షంలో అమలాపురం జిఎంసి బాలయోగి స్టేడియం నందు అమలాపురం పార్లమెంట్ సభ్యులు గంటి హరీష్ మాధుర్ చేతులు మీదుగా ఈ పురస్కారాన్ని అందుకున్నారు. అవార్డు అందుకున్న సందర్భంగా శ్రీనివాస్ ను అయినవిల్లి మండలం ఎమ్మార్వో నాగలక్ష్మిమ్మ అభినందించారు. అదేవిధంగా సహసర రెవెన్యూ సిబ్బంది మరియు బంధుమిత్రులు ఆయనకు శుభాకాంక్షలు తెలిపారు.