కపిలేశ్వరపురం ఎంపిపి అధ్యక్షురాలు మేడిశెట్టి సత్యవేణి రాజీనామా!

V9 ప్రజా ఆయుధం దినపత్రిక ఆన్ లైన్ వార్తలు- మండపేట సెప్టెంబర్ 30
కపిలేశ్వరపురం మండల ప్రజాపరిషత్ అధ్యక్షురాలు మేడిశెట్టి సత్యవేణి దుర్గారావు తన పదవికి సోమవారం రాజీనామా చేసారు. జిల్లా కలెక్టర్‌ మహేష్ కుమార్ కు రాజీనామా పత్రాన్ని అందజేశారు. వ్యక్తిగత కారణాలతో రాజీనామా చేస్తున్నట్లు ప్రకటించారు.
2021 మండల ప్రజాపరిషత్ ఎన్నికల్లో టేకి గ్రామానికి వైసిపి నుండి పోటీ చేసి ఎంపీటీసీగా ఎన్నికైన సత్యవేణి దుర్గారావు, తర్వాత కపిలేశ్వరం మండల ప్రజాపరిషత్ అధ్యక్షురాలిగా ఎన్నికయ్యారు. రాజీనామా పత్రంలో పేర్కొన్న మేరకు, అధ్యక్ష పదవికి మాత్రమే రాజీనామా చేస్తున్నానని టేకి గ్రామ ఎంపీటీసీగా తన సేవలను భవిష్యత్తులో కొనసాగిస్తానని స్పష్టం చేశారు.