V9 ప్రజా ఆయుధం దినపత్రిక ఆన్ లైన్ వార్తలు – అమలాపురం సెప్టెంబర్ 16:
కొత్త తరహా డిజిటల్ మార్కెటింగ్ మరియు అడ్వర్టైజింగ్ సంస్థ బ్రాండ్‌అడ్స్ (BrandAds) లోగో మరియు పేరును అమలాపురం స్థానిక శాసనసభ్యుడు అయితాబత్తుల ఆనందరావు మంగళవారం ఆవిష్కరించారు. ఈ సందర్భంగా బ్రాండ్‌అడ్స్ తమ ప్రయాణాన్ని అధికారికంగా ప్రారంభించగా, వ్యాపారాలను సృజనాత్మకంగా, ఆధునిక పద్ధతులతో, డేటా ఆధారిత వ్యూహాలతో ముందుకు తీసుకెళ్లడం తమ ప్రధాన లక్ష్యమని సంస్థ ప్రకటించింది.
ఈ సంస్థను పరమట సోమ సుందర రెడ్డి మరియు మోకా శ్రీ మణి స్థాపించారు. సోషల్ మీడియా మేనేజ్‌మెంట్, పెర్ఫార్మెన్స్ మార్కెటింగ్, SEO, బ్రాండింగ్, క్రియేటివ్ అడ్వర్టైజింగ్ వంటి విభాగాల్లో పూర్తి స్థాయి డిజిటల్ సేవలను అందించడం బ్రాండ్‌అడ్స్ లక్ష్యం.
ఆవిష్కరణ కార్యక్రమంలో మాట్లాడుతూ ఎమ్మెల్యే అయితాబత్తుల ఆనందరావు వ్యవస్థాపకులను అభినందిస్తూ.. ఈ సంస్థ కొత్త వ్యాపారవేత్తలకు అవకాశాలను కల్పిస్తుందని, ప్రాంతీయ వ్యాపార వృద్ధికి తోడ్పడుతుందని నమ్మకం వ్యక్తం చేశారు.
“Target • Engage • Elevate” అనే ట్యాగ్‌లైన్‌తో బ్రాండ్‌అడ్స్ ఆధునిక డిజిటల్ వ్యూహాలను, ఆకర్షణీయమైన ప్రచారాలను మరియు వినూత్న డిజైన్‌లను అందించడానికి సిద్ధమైంది. ఈ కార్యక్రమం లో వి. సి. కె పార్టీ రాష్ట్ర కార్యదర్శి బొంతు రమణ,ఉటాల వెంకటేష్, మోకా శ్రీను, రేవు తిరుపతి రావు, యడ్ల సత్య, మోకా ఉదయ్ రవి, శ్రీను తదితరులు పాల్గొన్నారు.
