మండపేట విజ్ఞాన్ లో సైన్స్ డే వేడుక

V9 ప్రజా ఆయుధం దినపత్రిక ఆన్ లైన్ వార్తలు -మండపేట ఫిబ్రవరి 28:మండపేట ఆలమూరు రోడ్డులోని విజ్ఞాన్ ఇంగ్లీష్ మీడియం స్కూల్లో శుక్రవారం సైన్స్ డే వేడుకలు ఘనంగా నిర్వహించారు. ప్రస్తుత సాంకేతిక పరిజ్ఞానాన్ని ప్రతిబింబించే లా విద్యార్థులు వివిధ రకాల ఆకృతులను రూపొందించారు. ముఖ్యంగా విద్యార్థులు తయారు చేసిన వ్యవసాయ దశలు, అనంత ప్రతిబింబాలు, నీటి సాంద్రత, ఆవిరి సంబంధిత ప్రయోగాలు ఆమ్ల ఆధారిత ప్రతి చర్యలు లావా దీపం వంటి ప్రయోగాలు ఆహుతులను ఆకట్టుకున్నాయి. ఈ సందర్భంగా విజ్ఞాన్ విద్యాసంస్థల డైరెక్టర్ ఇనప కోళ్ళ గణేష్ చౌదరి, ప్రిన్సిపాల్ బాబి, స్కూల్ ఇన్చార్జి శివప్రసాద్ లు ఈ ప్రయోగాలు తయారు చేసిన విద్యార్థులను వారికి సహకరించిన అధ్యాపకులను అభినందించారు. ఈ సందర్భంగా గణేష్ చౌదరి మాట్లాడుతూ విద్యార్థుల్లో సాంకేతిక నైపుణ్యం పెంపొందించుకోవడానికి ఇటువంటి సైన్స్ దినోత్సవాలు దోహదపడతాయన్నారు. పోటీల్లో గెలుపొందిన విద్యార్థులకు బహుమతులు అందజేశారు.