మద్యం సేవించి డ్రైవింగ్ చేస్తే 99, వేలు జరిమానా!

V9 ప్రజా ఆయుధం దినపత్రిక ఆన్ లైన్ వార్తలు -అయినవిల్లి ఫిబ్రవరి 20: మద్యం సేవించి డ్రైవింగ్ చేసిన వారికి 99, వేలు జరిమానా విధిస్తారు. డాక్టర్ బి ఆర్ అంబేద్కర్ కోనసీమ జిల్లా అయినవిల్లి పోలీస్ స్టేషన్ పరిధిలోని బుధవారం మద్యం సేవించి డ్రైవింగ్ చేస్తూ 9 మంది అయినవిల్లి ఎస్సై జోష్ కుమార్ కు చిక్కారు. అనంతరం కేసు నమోదు చేసి అమలాపురం కోర్టులో హాజరు పరిచగా. మెజిస్ట్రేట్ 9 మందికి 11,000 చొప్పున 99 వేలు జరిమానా విధిస్తూ ఫైల్ క్లోజ్ చేశారు. ఈ సందర్భంగా ఎస్సై జోష్ కుమార్ మాట్లాడుతూ.. రోడ్డు భద్రత నియమాలు పాటించడం ప్రతి ఒక్కరి బాధ్యతని, మండలం లోని ప్రతి ఒక్కరూ రోడ్డు నియమాలను తప్పక పాటించాలని లేదా భారీ జరిమానాలు ఎదుర్కోవాల్సి ఉంటుందని అయినవిల్లి సబ్ ఇన్స్పెక్టర్ జోస్ కుమార్ తెలిపారు. మద్యం తాగి వాహనం నడపడం అత్యంత ప్రమాదకరం, ఇది మీ ప్రాణాలకు, ఇతరుల ప్రాణాలకు ప్రమాదం కలిగిస్తుంది. మద్యం సేవించిన వ్యక్తి డ్రైవింగ్ చేయడం పై సెక్షన్ 185 క్రింద మొదటి సారి నేరం చేస్తే రూ. 10,000 జరిమానా, లేదా 6 నెలలు జైలు శిక్ష విధించవచ్చు, రెండోసారి నేరం చేస్తే రూ.15,000 లేదా 3 సం.ల జైలు శిక్ష, లేదా రెండును విధించవచ్చని తెలిపారు. వాహనం నడిపే సమయంలో వాహనదారులు రోడ్డు భద్రతా మరియు రహదారి నిబంధనలు తప్పక పాటించి ప్రమాదాలు, జరిమానాలు, శిక్షలకు గురి కాకుండా ఉండాలని ఎస్సై కోరారు.