కోడి పందాలకు బరి సిద్దం అంతా మామూలే: నిర్వాహకులు ధీమా!

V9 ప్రజా ఆయుధం దినపత్రిక ఆన్ లైన్ వార్తలు- అయినవిల్లి జనవరి 11:సంక్రాంతి పండగకు కోడిపందాలు నిర్వహించకూడదని డాక్టర్ బి ఆర్ అంబేద్కర్ కోనసీమ జిల్లా,జిల్లా కలెక్టర్ ఎస్పీ లు ఆదేశాలు జారీ చేశారు.ఆ తరహాలో మండల స్థాయి అధికారులు, పై అధికారులు ఆదేశాల మేరకు ఎక్కడైనా ఎటువంటి కోడిపందాలు గుండాట జూదం మరియు అసాంఘిక కార్యకలాపాలు నిర్వహిస్తే కఠినమైన చర్యలు ఉంటాయని హెచ్చరిస్తూ వస్తున్నారు. అయితే ఇదంతా ప్రతి ఏడాది మామూలే అంటూ నిర్వాహకులు పందాలు నడిపించేందుకు బరిలు సిద్ధం చేస్తున్నారు.అయితే అధికారులు మాత్రం కఠినమైన చర్యలు ఉంటాయని ముమ్మారు చెబుతున్నారు. అంతేకాకుండా కోడిపందాలు ఆడే స్థలాలను, రెవెన్యూ అధికారులు గుర్తించి ఆన్ లైన్ లో సర్వే నెంబర్లను పెండింగ్ పెట్టె ప్రయత్నం చేస్తున్నారని విశ్వసినీయమైన సమాచారం. చూడాలి మరి ఎంతవరకు నిలబడతారో !