క్యాన్సర్ బాధితునికి మంత్రి సుభాష్ రూ. 20 వేలు ఆర్థిక సహాయం

V9 ప్రజా ఆయుధం దినపత్రిక ఆన్ లైన్ వార్తలు –రామచంద్రపురం,డిసెంబర్ 16: అనారోగ్యంతో బాధపడుతున్న, నిరుపేద కుటుంబానికి చెందిన రామచంద్రపురం తొరంవారి వీధికు చెందిన మచ్చా వీరభద్రరావుకు రాష్ట్ర కార్మిక శాఖ మంత్రి వాసంశెట్టి సుభాష్ రూ.20 వేల ఆర్థిక సహాయం అందించారు. సోమవారం రామచంద్రపురం లోని మంత్రి గృహానికి వచ్చిన వీరభద్రరావు భార్య దేవి తన భర్త క్యాన్సర్ వ్యాధితో పలు ఇబ్బందులు పడుతూ,అనారోగ్యంతో మంచానపడ్డారని ఆవేదన వ్యక్తం చేశారు. వైద్యం కోసం ఆర్థిక సహాయం అందించాలని కోరారు. తక్షణం స్పందించిన మంత్రి సుభాష్ తన సొంత నిధులను హెచ్చించి రూ. 20 వేల రూపాయలు ఆర్థిక సహాయం అందించారు. మంచి వైద్యం అందించి త్వరగా కోలుకోవాలని ధైర్యం చెప్పారు. మానవతా దృక్పథంతో మంత్రి సుభాష్ స్పందించి ఆర్థిక సహాయం అందించటం పట్ల పలువురు ఆనందం వ్యక్తం చేశారు.