ప్రియుడితో కలిసి తండ్రిని చంపిన కన్న కూతురు

మండపేట మార్చి 21 ప్రజా ఆయుధం దినపత్రిక ఆన్ లైన్ వార్తలు:డాక్టర్ బి.ఆర్ అంబేద్కర్ కోనసీమ జిల్లా,మండపేటలో దారుణం జరిగింది. కూతురి వివాహేతర సంబంధం తండ్రి రాంబాబుకు తెలియడంతో కూతురు వెంకట దుర్గను మందలించాడు. దీంతో కోపోద్రిక్తురాలైన ఆమె రామచంద్రపురం కొత్తూరుకు చెందిన ప్రియుడు సురేష్తో కలిసి తండ్రి హత్యకు పథకం వేసింది. ఈ నెల 16న తండ్రి ఒంటరిగా ఉన్న సమయం చూసి ప్రియుడుకు సమాచారమివ్వడంతో తన స్నేహితుడితో వచ్చి ముగ్గురూ కలిసి హత్య చేశారు. మృతుడి సోదరుడు ఫిర్యాదు మేరకు విశాఖపట్నం పారిపోతున్న ముగ్గురినీ అరెస్ట్ చేసి విచారణలో నేరం అంగీకరించడంతో గురువారం రామచంద్రపురం కోర్టు 14 రోజుల రిమాండ్ విధించింది.